Cabdikarin H. Guuleed “Dawladu waxay dayacday AMAANKA QARANKA”

 

Qoraal uu bartiisa Facebook soo  dhigay Cabdikarin Xusen Guuleed ayaa ku sheegay in dawladu dayacday amaankii qaranka isla markaana ay soo bateen falalka argagixsada ah iyo beegsiga muunada bulshada.   Cabdikarin Xuseen guuleed oo ah Hoggamiyaha xisbigaHoggamiyaha xisbiga ayaa dawlada ku dhaliilay inay ka mashquushay amaanka qaranka.

Isaga oo arintaas ka hadlaya waxa uu yiri “Waxaa muuqata in Dowladda Federaalka ah ay si buuxda u dayacday amnigii guud ee dalka gaar ahaan midkii caasimadda bilihi lasoo dhaafay, taas oo sababtay iney si weyn usoo xoogeystaan falalka kooxaha argagixisadaha ah. Waxaan ka tacsiyeynaya dhibaatooyinkii ka dhashay Qaraxyadii iyo weeraradii dalka ka dhacay labadii toddobaad ee lasoo dhaafay.”

Markii madaxda iyo saraakiishii amnigu ku mashquulaan arrimaha siyaasadda iyo doorashada, waxa la filan karo waa iney cadowgu ka faa’iideystaan dayacaas jira. Dowladda Federaalka ah waxaan usoo jeedineynaa iney dib ugu celiso saarkiisha amniga shaqadooda si ay uga hortagaan dhibaatooyinka joogtada ah ee ka socda Muqdisho iyo qeybo ka mid ah dalka.

Sidaan ognahay waxa magaalada muqdisho ka dhacay qaraxyo iyo dilal lala beegsaday dad isugu jira ganacsadeyaal, siyaasiyiin iyo odyaal . shalay ayay ahayd markii qarax lala beegsaday xubno ka tirsan xukuumada, sadex malain ka hor waxa iska horimaad rasaas ku dhintay gudoomiyihii degmada Hodan iyo laba oday dhaqameed oo shalay lagu dilay  suuqa bakaaraha.

Dhamaan arimahani waxay sheegayaa sida dawladu u dayacday amaankii qaranka oogu mushquushay arimo la xiriira doorashoyinka. Dawladu iyadaa ka masuul ah amanka qarnaka, dalkunu wuxuu ku jiraa xaalad xasasi ah sidaas awgeed waxa loo baahanyahay in dawladu la timado qorshe lagu badbadinayo shacabka somaliyeed ee qaraxyada iyo dilka lagu hayo.

Hogaamiyaha xisbiga Sahan waxa uu intaas ku daray “Waxaa lagu jiraa xilli doorasho. Waa waqti muhiim u ah dalka iyo dadka. Waxa suurtagal ah iney cadowgu maleegayaan dhibaatooyin waa weyn, oo u baahan in laga hortago, sidaa awgeed waa in gacana looga shaqeeya arrimaha doorashadda, gacanta kalana cadowga looga badbaadiya shacabka iyo masuuliyiinta.

Si kastaba ha noqatee xiligan oo dalku meel adag marayo waxa soo badanaya qaraxyada iyo dilalka loo gaysanaya dadka somaliyeed balse dawlada kama muuqato masuuliyad iyo inay ka hortagto qaraxyadaas, amaankana awooda saarto, kaliya waxey ku mashquushay doorasho iyo inay kursigooda ilaashadaan masuul walibo.