DAGAALKA BELEDXAAWO + MUDAHARAADO LAGAGA SOO HORJEEDO FARMAAJO OO MUQDISHO KA DHACAY.


 Ciidamada Jubaland ayaa xalay weerar ku soo galay degmada Baladxaawo ee gobolka gado, dagaal halkaas ku dhexmaray ciidamada dawlada federaalka iyo kuwa jubaland waxa ka dhashay khasaare sida laga soo xigtay wararka gudaha. Ciidamdaa jubaland ayaa magaalada ka soo weeraray dhinaca Mandheera ayaa la shegay inay markii danbe qabsadeed qaybo ka mid ah magaalada.

Sida laga arkayay muuqaalo la soo galiyay baraha bulshda, ciidamada jubaland ayaa ku sugnaa gudaha magaalada Balad xaawo halkaasi oo cidamadu sheegeen inay qabsadeen qaybo ka mid ah magaalada.  Jubaland ayaa ku doodaysa in Gobolka Gedo uu ka qaaday madaxweyne Farmajo isla markaana Axmed madoobe doonayo in lagu soo celiyo gacanta maamulka Jubaland.

Saraakil ka tirsan ciidamada jubaland ayaa sheegay in guulo ka gaareen dagaalka oo laysu adeegsaday hubka nuucyadiisa culus, waxaana wararku sheegayaan inay jiraan dad shacab ah oo ku dhintay dagalka iyo hanti ku burburtay halkaasi.

Dhinaca kale dowlada oo ka hadashay dagaalka ayaa shegtay inay soo afjartay dagaalka oo cidamada jubaland xalay ku soo qaadeen. Wasiirka warfaafinta Somalia oo warbaahinta la hadlay ayaa sheegay inay qabteen ku dhawaaad 100 maxbuus oo ka tirsan ciidamada jubaland.

Xukuumada dhexe iyo jubaland ayaa ku muransan xildhibaanda gobolka Gedo iyadoo uu taaganyahay khilaafka u dhexeeye xukuumada iyo maamulada jubaland iyo Puntiland kaasi oo salka ku hayaa habka dawladu u maamushay gudiyada doorashooyinka. Xaalada dagaalka ee gobolka Gedo ka soo cusboonaatay waxay caqabad hor le ku noqonaysaa habsamni u socodka doorashada, taasi oo dawlada laga sugayo inay keento xal waara.

Dhinaca kale wararka laga helayo magaalada Muqdisho ayaa sheegaya in maanta ka dhaceen mudaharaado lagaga soo horjeedo farmaajo. Shacabka mudaharaadayay ayaa dalbanaya in madaxweynuhu xilka baneeyo isla markaana la qabto doorasho lagu wada qanacsanyahay oo xalaale.

Xukuumada Farmajo ayaa wajahayso culayso siyaasadeed, kuwo amni iyo diidmo shacab. Shacabku waxy ka daaleen balanqaadada beenta ah ee Farmaajo, iyada oo dalku wali ku jiro xaalado amni daro isla markaana loo baahanyahay in shacabka la badbaadiyo.

 

Comments

Post a Comment

Popular posts from this blog

MARAYKANKA OO CUNAQABATAYN SAARAYA XUKUUMADA FARMAJO KADIB MUDO KORDHINTII

Image
  Waxa soo kordhaya baaqyo caalami ah oo ka minaya beesha caalamka kuwaas ugu hanjabaya dawlada uu hogaamiye madaxweynaha wakhtigiisii dhamaaday ee Farmajo ka dib markii laba sano ay u kordhiyeen baarlamaanku. Mareykanka ayaa sheegay inuu si aad ah uga xumaaday go’aanka Golaha Shacabka ay ku ansixiyeen ee labo sano loogu Madaxweynaha muddo xileedkiisa dhamaaday Maxamed C/llaahi Farmaajo. War saxaafadeed ka soo baxay Xoghayaha Arrimaha Dibadda Mareykanka Antony Blinken ayaa lagu sheegay si is daba joog ah ay horay ugu adkeeyeen inay muhiim u tahay nabada, xasiloonida, barwaaqada, iyo dowladnimada Soomaaliya in Dowlada Federaalka iyo Dowladaha xubnaha ka ah Federaalka ay gaaraan heshiis la isku raacsan yahay oo ku saabsan dariiqa loo marayo geeddi socodka doorashooyinka. “Waxaan sidoo kale si cad u sheegnay in Mareykanku uusan taageerin kordhinta amar bixinta iyada oo aan taageero ballaaran laga helin daneeyayaasha arrimaha siyaasadda ee Soomaaliya, sidoo kale Mareykanku ma taage...
Read more

SARAAKIIL KA TIRSAN CIIDAMADA HARAMACAD OO KU BIIRAY CIIDAMADA MUCAARIDKA.

Image
  Sida aan ka soo xiganay shabakada Allbanadir online, Taliye ku-xigeenkii ciidanka Booliiska Haramcad Muumin Ciise Max’uud iyo ciidamo uu wato ayaa galabta ka goostay dowladda federaalka. Sarkaalkan iyo ciidamadiisa ayaa ku biiray ciidanka taabacsan Mucaaradka ee la baxay Badbaado Qaran gaar ahaan kuwa fadhiyo aaga Mirinaayo. Muumin Ciise Max’uud ayaa la goostay ciidamo iyo gaadiid dagaal, sida uu xaqiijiyay Xildhibaan Mahad Salaad oo ka tirsan siyaasiyiinta Mucaaradka. Horay saraakiil ka tirsan booliska Soomaaliya iyo ciidamo ay wataan ayaa ugu biiray ciidanka siyaasiyiinta mucaaradka ah ee Badbaado Qaran, kuwaas oo aad uga soo hor jeeda mudo kororsigii ay dhawaan sameysteen Farmaajo iyo golaha shacabka. Waxaa socon waayey qorshihii mudo kororsiga, kadib markii gudaha magaalada Muqdisho ay ku dagaalameen ciidamo kala taabacsan madaxda waqtigu ka dhamaaday ee dowladda federaalka iyo siyaasiyiinta mucaaradka ah oo si weyn u diidanaa mudo kororsiga. “Captan Muumin oo ah Sa...
Read more

Maxaa lagaga hadlayaa Shirka Garowe ka Socda?

Image
Khamiis, 31 December 2020. Shirka ka socda gorowe ee dhexmaraya madaxda maamul goboleeda iyo dawalada waxa lagaga wada hadlay arimo la xidhiidha muranka doorashooyinka, amaanka, caqabadaha hortaagan doorasha iyo sidii looga bixin lahaa.Shirka oo ay soo qaban qaabisay xarunta Heritage waxa marti loo ahaa   Madaxweyne Deni. Waxaanu dawlada ku eedeeyay inay iyadu wado in laga warawaro in wadanka doorasho ka dhacdo iyo in kale. Waxa kale oo shirkaas ka hadlay madaxweynihii hore Xasan Sheekh Maxamud. “Waxaa la isla gaartay in la qaato doorasho ‘dadban’ heshiiskaas caqabado uu ka dhaqan geli waayey ayaa soo wajahay, laakiin weli waxaa furan fursad lagu badbaadi karo doorashada dalka..Dhaqan gelinta heshiiskii la gaaray September waxa uu u baahan in dib looga wada xaajoodo oo laga toosiyo halka uu ka qaloocday, waa wadada kaliya oo aan maanta doorasho ku gaari karno.” Si kastaba ha noqotee waxa hada faalka siyaasadu ku xunyahay farmaajo shirka daahda dabadiisa kala socda arimaha lagu ...
Read more