MIDAWGA MUSHARAXIINTA OO KU BAAQAY MUDAHARAAD KA DHAN AH FARMAAJO.

 


Gudoomiyaha midawga Musharaxiinta ahna musharax madaxweyne  oo u taagan doorashada 2021 Sheekh Shariif Sheekh Axmed oo warbaahinta kula hadlay magaalada Muqdisho ayaa eedo culus u jeediyay madaxweynaha wakhtigiisii dhamaaday ee Farmaajo. Shariif waxuu sheegay inuu mudo lix bari ah ku fadhiyo sharci daro madaxweynihii hore mudane Farmaajo, isla markaasne aanay muuqaan jawi lagu qabanqabinayo doorasho la qabto

Gudoomiyaha golaha musharaxiinta ayaa mtaan sheegay in loo baahanyahay in dadku isugu yimaadaan mudaharaad lagu dalbanayo in Farmajo xilka baneeyo dalka doorasho loo raadiyo. Waxaanu ku dhawaaqay in loo baahan yahay in dalka ka dhacaan banaanbax nabadeed oo shacabka ku dalbanayaan doorasho lagu wada qanacsanyahay si loo hor istaago damaca Farmaajo.

Madaxweynihii hore Sheekh shariif waxuu sheegay in loo baahnaa in doorashadu wakhtigeeda ku dhacdo si dalka looga badbaadiyo dib u dhac, taasina aanay suuro galin, waxa kale uu sheegay in  xiligaan  muuqan ififaalo ku aadan in dalka ay ka dhacdo doorasho loo dhan yahay, isla markaana loo baahan yahay in Shacabka Soomaaliyeed ay isku tashadaan oo fikirkooda iyo doonitaankooda banaanbax ku muujiyaan. Mudane shariif waxa kale uu sheegay in qaar ka mid ah madaxda dawlad goboleedadu aanay diyaar u ahayn doorasho wadanka ka dhacda si looga baxo marxaladan adage e hada lagu jiro.

Sidoo kael  gudoomiyaha xisbiga Wadajira  Cabdiraxmaan Cabdishakuur oo isaguna kamid ah musharaxiinta ku bahoobay Golaha Mucaaradka oo warbaahinta la hadlay ayaa waxa uu sheegay in banaanbaxa uu ku dhawaaqay Sheekh Shariif uu dhici doono maalinta Jimcaha oo taariikhdu ku beegan tahay 19-ka Febraayo 2021 si dadku u muujiyaan dareenkooda ah ineey ka soo horjeedaan xukummada farmaajo ee fashilantay.

Abdiraxmaan Abdishakur wuxu sii raaciyay in banaanbaxaas uu ka dhici doono Taalaada Daljirka Dahsoon ee degmada Boondheere, kaasi oo lagu dalbanayo in dalka uu si dhaqso ah ku aado doorasho, isla markaana laga wada-shaqeeyo arrimaha ku hor gudban doorashada.

Dhinaca kale waxa sii kordhaya falalka amni darada ah ee dadka shacabka ah iyadoo ay jiraan dilal kala duwan oo gaystay dumar iyo hooyoyin saacadiihii la soo dhaafay, iyadoo sidoo kale shacabku ka canayaan wadooyin xiran.

 

Comments

Post a Comment

Popular posts from this blog

MARAYKANKA OO CUNAQABATAYN SAARAYA XUKUUMADA FARMAJO KADIB MUDO KORDHINTII

Image
  Waxa soo kordhaya baaqyo caalami ah oo ka minaya beesha caalamka kuwaas ugu hanjabaya dawlada uu hogaamiye madaxweynaha wakhtigiisii dhamaaday ee Farmajo ka dib markii laba sano ay u kordhiyeen baarlamaanku. Mareykanka ayaa sheegay inuu si aad ah uga xumaaday go’aanka Golaha Shacabka ay ku ansixiyeen ee labo sano loogu Madaxweynaha muddo xileedkiisa dhamaaday Maxamed C/llaahi Farmaajo. War saxaafadeed ka soo baxay Xoghayaha Arrimaha Dibadda Mareykanka Antony Blinken ayaa lagu sheegay si is daba joog ah ay horay ugu adkeeyeen inay muhiim u tahay nabada, xasiloonida, barwaaqada, iyo dowladnimada Soomaaliya in Dowlada Federaalka iyo Dowladaha xubnaha ka ah Federaalka ay gaaraan heshiis la isku raacsan yahay oo ku saabsan dariiqa loo marayo geeddi socodka doorashooyinka. “Waxaan sidoo kale si cad u sheegnay in Mareykanku uusan taageerin kordhinta amar bixinta iyada oo aan taageero ballaaran laga helin daneeyayaasha arrimaha siyaasadda ee Soomaaliya, sidoo kale Mareykanku ma taage...
Read more

SARAAKIIL KA TIRSAN CIIDAMADA HARAMACAD OO KU BIIRAY CIIDAMADA MUCAARIDKA.

Image
  Sida aan ka soo xiganay shabakada Allbanadir online, Taliye ku-xigeenkii ciidanka Booliiska Haramcad Muumin Ciise Max’uud iyo ciidamo uu wato ayaa galabta ka goostay dowladda federaalka. Sarkaalkan iyo ciidamadiisa ayaa ku biiray ciidanka taabacsan Mucaaradka ee la baxay Badbaado Qaran gaar ahaan kuwa fadhiyo aaga Mirinaayo. Muumin Ciise Max’uud ayaa la goostay ciidamo iyo gaadiid dagaal, sida uu xaqiijiyay Xildhibaan Mahad Salaad oo ka tirsan siyaasiyiinta Mucaaradka. Horay saraakiil ka tirsan booliska Soomaaliya iyo ciidamo ay wataan ayaa ugu biiray ciidanka siyaasiyiinta mucaaradka ah ee Badbaado Qaran, kuwaas oo aad uga soo hor jeeda mudo kororsigii ay dhawaan sameysteen Farmaajo iyo golaha shacabka. Waxaa socon waayey qorshihii mudo kororsiga, kadib markii gudaha magaalada Muqdisho ay ku dagaalameen ciidamo kala taabacsan madaxda waqtigu ka dhamaaday ee dowladda federaalka iyo siyaasiyiinta mucaaradka ah oo si weyn u diidanaa mudo kororsiga. “Captan Muumin oo ah Sa...
Read more

Maxaa lagaga hadlayaa Shirka Garowe ka Socda?

Image
Khamiis, 31 December 2020. Shirka ka socda gorowe ee dhexmaraya madaxda maamul goboleeda iyo dawalada waxa lagaga wada hadlay arimo la xidhiidha muranka doorashooyinka, amaanka, caqabadaha hortaagan doorasha iyo sidii looga bixin lahaa.Shirka oo ay soo qaban qaabisay xarunta Heritage waxa marti loo ahaa   Madaxweyne Deni. Waxaanu dawlada ku eedeeyay inay iyadu wado in laga warawaro in wadanka doorasho ka dhacdo iyo in kale. Waxa kale oo shirkaas ka hadlay madaxweynihii hore Xasan Sheekh Maxamud. “Waxaa la isla gaartay in la qaato doorasho ‘dadban’ heshiiskaas caqabado uu ka dhaqan geli waayey ayaa soo wajahay, laakiin weli waxaa furan fursad lagu badbaadi karo doorashada dalka..Dhaqan gelinta heshiiskii la gaaray September waxa uu u baahan in dib looga wada xaajoodo oo laga toosiyo halka uu ka qaloocday, waa wadada kaliya oo aan maanta doorasho ku gaari karno.” Si kastaba ha noqotee waxa hada faalka siyaasadu ku xunyahay farmaajo shirka daahda dabadiisa kala socda arimaha lagu ...
Read more