Cabdiraxmaan Cabdishakuur oo ka digey in ciidamada Xoogga Dalka la kala qeybiyo

 


Sidaan ka soo xiganay shabakada Jowhar news, Hogaamiyaha Xisbiga Wadajir kana mid ah Musharaxiinta u taagan xilka Madaxweynaha Cabdiraxmaan Cabdishakuur ayaa soo bandhigay xog hoose uu helay oo sheegeysa in ay socdaan qorshe labo dhinac loogu qeybinayo ciidanka milatariga Soomaaliya.

Cabdiraxmaan Cabdishakuur ayaa sheegay in ciidanka milatariga loo qeybin rabo labo dhinac oo kala ah qeyb taageersan Farmaajo oo la doonayo in lagu boobo doorashada iyo kuwa laga shakisan yahay oo la doonayo in dagaal la galiyo si loo mashquuliyo.

 

”Waxaan xog sugan ku helaynaa in Ciidanka Xoogga Dalka (CXD) loo kala qeybinayo kuwo daacad u ah madaxweynaha xilkiisa dhamaaday iyo kuwo shaki laga qabo. Taliyaha ciidanka Generaal Odawaa iyo taliyaha ciidanka lugta Gen. Biixi ayaa shaqadaas ku hawlan, Ciidanka lagu tuhunsan yahay in aysan daacadda aheyn ayaa loo dirayaa furamaha dagaalka ee kooxaha argagexisada, halka kuwa la hubiyey daacadnimadooda loo diyaarinayo boobka doorashooyinka iyo weerarro lagu qaado siyaasiyiinta mucaaradka.;ayuu yiri Cabdiraxmaan Cabdishakuur.

 

Cabdiraxmaan Cabdishakuur ayaana uga digey taliyaha ciidanka in uusan horseedin burburka ciidanka, kana saaro ku milanka siyaasada, waxa uuna xusay in amarka la siiyay aysan luquntiisa ka saari doonon dambiyada uu galo.

 

Xogta uu soo bandhigay Siyaasigan ayaa kusoo aadeysa xili dhawaan dowlada ciidamada milatariga Soomaaliya ee Gor gor u adeegsaday sidii loo joojin lahaa banaan bax Mucaaradka qorsheenayeen in uu ka dhaco Muqdisho.

 

Arintaan ayaa soo baxayso xili dalku marayo xaalad siyaasadeed oo aad u adag iyo uu soo dhawyahay shirka dawlada wakhtigeedii dhamaaday iyo maamul goboleedada oo Muqdisho ka dhacaya. Hore dawlada wakhtigeedii dhamaaday waxa loogu eedayay inay ciidamada u adeegsatay dano gaar ah iyadoo taasi markhaati ka tahay dhacdadii 19 Febrayo ka dhacday muqdisho

 

Comments

Post a Comment

Popular posts from this blog

MARAYKANKA OO CUNAQABATAYN SAARAYA XUKUUMADA FARMAJO KADIB MUDO KORDHINTII

Image
  Waxa soo kordhaya baaqyo caalami ah oo ka minaya beesha caalamka kuwaas ugu hanjabaya dawlada uu hogaamiye madaxweynaha wakhtigiisii dhamaaday ee Farmajo ka dib markii laba sano ay u kordhiyeen baarlamaanku. Mareykanka ayaa sheegay inuu si aad ah uga xumaaday go’aanka Golaha Shacabka ay ku ansixiyeen ee labo sano loogu Madaxweynaha muddo xileedkiisa dhamaaday Maxamed C/llaahi Farmaajo. War saxaafadeed ka soo baxay Xoghayaha Arrimaha Dibadda Mareykanka Antony Blinken ayaa lagu sheegay si is daba joog ah ay horay ugu adkeeyeen inay muhiim u tahay nabada, xasiloonida, barwaaqada, iyo dowladnimada Soomaaliya in Dowlada Federaalka iyo Dowladaha xubnaha ka ah Federaalka ay gaaraan heshiis la isku raacsan yahay oo ku saabsan dariiqa loo marayo geeddi socodka doorashooyinka. “Waxaan sidoo kale si cad u sheegnay in Mareykanku uusan taageerin kordhinta amar bixinta iyada oo aan taageero ballaaran laga helin daneeyayaasha arrimaha siyaasadda ee Soomaaliya, sidoo kale Mareykanku ma taage...
Read more

SARAAKIIL KA TIRSAN CIIDAMADA HARAMACAD OO KU BIIRAY CIIDAMADA MUCAARIDKA.

Image
  Sida aan ka soo xiganay shabakada Allbanadir online, Taliye ku-xigeenkii ciidanka Booliiska Haramcad Muumin Ciise Max’uud iyo ciidamo uu wato ayaa galabta ka goostay dowladda federaalka. Sarkaalkan iyo ciidamadiisa ayaa ku biiray ciidanka taabacsan Mucaaradka ee la baxay Badbaado Qaran gaar ahaan kuwa fadhiyo aaga Mirinaayo. Muumin Ciise Max’uud ayaa la goostay ciidamo iyo gaadiid dagaal, sida uu xaqiijiyay Xildhibaan Mahad Salaad oo ka tirsan siyaasiyiinta Mucaaradka. Horay saraakiil ka tirsan booliska Soomaaliya iyo ciidamo ay wataan ayaa ugu biiray ciidanka siyaasiyiinta mucaaradka ah ee Badbaado Qaran, kuwaas oo aad uga soo hor jeeda mudo kororsigii ay dhawaan sameysteen Farmaajo iyo golaha shacabka. Waxaa socon waayey qorshihii mudo kororsiga, kadib markii gudaha magaalada Muqdisho ay ku dagaalameen ciidamo kala taabacsan madaxda waqtigu ka dhamaaday ee dowladda federaalka iyo siyaasiyiinta mucaaradka ah oo si weyn u diidanaa mudo kororsiga. “Captan Muumin oo ah Sa...
Read more

Maxaa lagaga hadlayaa Shirka Garowe ka Socda?

Image
Khamiis, 31 December 2020. Shirka ka socda gorowe ee dhexmaraya madaxda maamul goboleeda iyo dawalada waxa lagaga wada hadlay arimo la xidhiidha muranka doorashooyinka, amaanka, caqabadaha hortaagan doorasha iyo sidii looga bixin lahaa.Shirka oo ay soo qaban qaabisay xarunta Heritage waxa marti loo ahaa   Madaxweyne Deni. Waxaanu dawlada ku eedeeyay inay iyadu wado in laga warawaro in wadanka doorasho ka dhacdo iyo in kale. Waxa kale oo shirkaas ka hadlay madaxweynihii hore Xasan Sheekh Maxamud. “Waxaa la isla gaartay in la qaato doorasho ‘dadban’ heshiiskaas caqabado uu ka dhaqan geli waayey ayaa soo wajahay, laakiin weli waxaa furan fursad lagu badbaadi karo doorashada dalka..Dhaqan gelinta heshiiskii la gaaray September waxa uu u baahan in dib looga wada xaajoodo oo laga toosiyo halka uu ka qaloocday, waa wadada kaliya oo aan maanta doorasho ku gaari karno.” Si kastaba ha noqotee waxa hada faalka siyaasadu ku xunyahay farmaajo shirka daahda dabadiisa kala socda arimaha lagu ...
Read more