VILLA SOMALIYA OO WADA QORSHE LAGU WIIQAYO MUCAARIDKA.

 


Sidaan ka soo xiganay shabakada wararka allbanadir online villa somaliya ayaa wada qorshe ay ku xadidayso awooda mucaaridka, wararku waxay sheegayaan in xukuumadu doonayso inay yarayso gabi ahaanba dhaqdhaqaaqa mucaaridka iyadoo la doonayo in la xadido socdaaladooda iyo kulamadooda.

Mucaaridka oo leh awooda ugu badan magalada casimada Mudisho villa Somalia waxay is tustay inaanay awood ku leheeyn deegaanada ay ka soo jeedeen sida Galmudug iyo hiiraan oo ay ka arimiyaan madax taageersan madaxweynaha wakhtigiisii dhamaaday ee Farmajo. Villa Somalia oo horey culays iyo caburin ugu haysay madaxda mucaaridka ayaa markaan doonaysa inay yarayso dhaqdhaqaaqa xubnaha mucaaridka si ay u wiiqdo awoodoooda. Wararku waxey sheegayaan in dawlada wakhtigeedii dhamaaday doonayso in aaan mucaaridku awood ku yeelan caasimada si aanay caqabad ugu  noqon xukuumada Farmajo.

Marka la fiiriyo sida dawladu u hawlgalisay ciidamada waxa muuqato inay dawladu doonayso in xubnaha mucaaridku kaliya ku koobnaadaan goobo cayimaan sida Hotel Jazeera isla markaana aanay dhaqdhaqaaq balaaran ku yeelan magaalada inteeda kale. Horey ayay dawladu u diiday in madaxda mucaaridku ilaalo la gasho gudaha Airport Adan Cade.

Wararka aan ka soo xiganay Allbanadir waxa kaloo sheegayaan in xukuumada wakhtigeedii dhamaaday isku dayayso inay  xadido kulamada ay yeelanayaan madaxda xisbiyada mucaaridka isla markaana awooda la saari doono sidii loo xakamayn lahaayn kulamadooda iyo kulamada ay bulshada la yeelanayaan.

Dhinaca kale waxa xukuumada Farmajo doonaysaa inay joojiso gabi ahaanba mudaharaadada isla markaana la hakin doono safarada ay madaxda xisibyada mucaaridku ku tagaan dawlad goboleeda taasi oo cadayn u ah ku tumadashada iyo abuse ka xukuumada uu hogaamiyo madaxweynaha wakhtigiisii dhamaaday ee Farmajo oo muddo bil ka badan sharci daro ku jooga madaxtooyada Somaliya. Waxa kale oo wararkaasi sheegayaan in diyaaradaha gobolada dalka taga lagala hadlay arintan isla markaana loo soo bandhigay inaanay qaadin madaxda mucaridka.

Inkasta oo qorsheyaashani adagyihiin in la fuliyo hadane waxa muuqato in xukuumada wakhtigeedii dhamaaday sii wada caburinta iyo burburinta dastuurka isla markaana doonayso inay  wadanka si sharci daro ah ku sii maamusho. Wali waxa taagan muranka arimaha doorashooyinka taasi oo loo balansayahay in xal laga gaaro. Dawladu wali waxay sii wadaa in mucaaridka la wiiqo isla markaana la caburiyo bulshada.

Comments

Post a Comment

Popular posts from this blog

MARAYKANKA OO CUNAQABATAYN SAARAYA XUKUUMADA FARMAJO KADIB MUDO KORDHINTII

Image
  Waxa soo kordhaya baaqyo caalami ah oo ka minaya beesha caalamka kuwaas ugu hanjabaya dawlada uu hogaamiye madaxweynaha wakhtigiisii dhamaaday ee Farmajo ka dib markii laba sano ay u kordhiyeen baarlamaanku. Mareykanka ayaa sheegay inuu si aad ah uga xumaaday go’aanka Golaha Shacabka ay ku ansixiyeen ee labo sano loogu Madaxweynaha muddo xileedkiisa dhamaaday Maxamed C/llaahi Farmaajo. War saxaafadeed ka soo baxay Xoghayaha Arrimaha Dibadda Mareykanka Antony Blinken ayaa lagu sheegay si is daba joog ah ay horay ugu adkeeyeen inay muhiim u tahay nabada, xasiloonida, barwaaqada, iyo dowladnimada Soomaaliya in Dowlada Federaalka iyo Dowladaha xubnaha ka ah Federaalka ay gaaraan heshiis la isku raacsan yahay oo ku saabsan dariiqa loo marayo geeddi socodka doorashooyinka. “Waxaan sidoo kale si cad u sheegnay in Mareykanku uusan taageerin kordhinta amar bixinta iyada oo aan taageero ballaaran laga helin daneeyayaasha arrimaha siyaasadda ee Soomaaliya, sidoo kale Mareykanku ma taage...
Read more

SARAAKIIL KA TIRSAN CIIDAMADA HARAMACAD OO KU BIIRAY CIIDAMADA MUCAARIDKA.

Image
  Sida aan ka soo xiganay shabakada Allbanadir online, Taliye ku-xigeenkii ciidanka Booliiska Haramcad Muumin Ciise Max’uud iyo ciidamo uu wato ayaa galabta ka goostay dowladda federaalka. Sarkaalkan iyo ciidamadiisa ayaa ku biiray ciidanka taabacsan Mucaaradka ee la baxay Badbaado Qaran gaar ahaan kuwa fadhiyo aaga Mirinaayo. Muumin Ciise Max’uud ayaa la goostay ciidamo iyo gaadiid dagaal, sida uu xaqiijiyay Xildhibaan Mahad Salaad oo ka tirsan siyaasiyiinta Mucaaradka. Horay saraakiil ka tirsan booliska Soomaaliya iyo ciidamo ay wataan ayaa ugu biiray ciidanka siyaasiyiinta mucaaradka ah ee Badbaado Qaran, kuwaas oo aad uga soo hor jeeda mudo kororsigii ay dhawaan sameysteen Farmaajo iyo golaha shacabka. Waxaa socon waayey qorshihii mudo kororsiga, kadib markii gudaha magaalada Muqdisho ay ku dagaalameen ciidamo kala taabacsan madaxda waqtigu ka dhamaaday ee dowladda federaalka iyo siyaasiyiinta mucaaradka ah oo si weyn u diidanaa mudo kororsiga. “Captan Muumin oo ah Sa...
Read more

Maxaa lagaga hadlayaa Shirka Garowe ka Socda?

Image
Khamiis, 31 December 2020. Shirka ka socda gorowe ee dhexmaraya madaxda maamul goboleeda iyo dawalada waxa lagaga wada hadlay arimo la xidhiidha muranka doorashooyinka, amaanka, caqabadaha hortaagan doorasha iyo sidii looga bixin lahaa.Shirka oo ay soo qaban qaabisay xarunta Heritage waxa marti loo ahaa   Madaxweyne Deni. Waxaanu dawlada ku eedeeyay inay iyadu wado in laga warawaro in wadanka doorasho ka dhacdo iyo in kale. Waxa kale oo shirkaas ka hadlay madaxweynihii hore Xasan Sheekh Maxamud. “Waxaa la isla gaartay in la qaato doorasho ‘dadban’ heshiiskaas caqabado uu ka dhaqan geli waayey ayaa soo wajahay, laakiin weli waxaa furan fursad lagu badbaadi karo doorashada dalka..Dhaqan gelinta heshiiskii la gaaray September waxa uu u baahan in dib looga wada xaajoodo oo laga toosiyo halka uu ka qaloocday, waa wadada kaliya oo aan maanta doorasho ku gaari karno.” Si kastaba ha noqotee waxa hada faalka siyaasadu ku xunyahay farmaajo shirka daahda dabadiisa kala socda arimaha lagu ...
Read more